कोशी प्रदेश सरकारबाट कांग्रेस बाहिरिने भएको छ । एमाले-नेकपाबीचको सहकार्यपछि कोशीबाट कांग्रेस बाहिरिएको हो । पार्टी केन्द्रको निर्णयअनुसार सरकारमा सहभागी कांग्रेसका ४ मन्त्री र १ राज्यमन्त्रीले बुधबार मुख्यमन्त्री हिक्मतकुमार कार्कीसमक्ष राजीनामा बुझाउँदै छन् ।
कांग्रेस संसदीय दलका प्रमुख सचेतक गोपाल तामाङका अनुसार सरकारबाट बाहिरिने निर्णयअनुसार मन्त्रीहरूले राजीनामा दिन लागेका हुन् । कांग्रेसका मन्त्रीहरूलाई बुधबारसम्म राजीनामा दिन पार्टीले निर्देशन दिएको थियो । सोहीअनुसार मुख्यमन्त्री कार्कीले कांग्रेसका मन्त्रीहरूलाई बिदाई गर्न बुधबार ३ बजे मन्त्रिपरिषद् बैठक बोलाएका छन् ।
कांग्रेसबाट भौतिक पूर्वाधार विकासमन्त्री प्रदीपकुमार सुनुवार, पर्यटन, वन तथा वातावरणमन्त्री भीम पराजुली, उद्योग, कृषि तथा सहकारीमन्त्री इस्राइल मन्सुरी, स्वास्थ्य मन्त्री मनबहादुर लिम्बू र भौतिक पूर्वाधार विकास राज्यमन्त्री शोभा चेम्जोङ सहभागी थिए ।
कांग्रेस र एमालेबीच भएको सहमतिअनुसार २०८१ भदौ २ गते कोशी प्रदेश सरकारमा कांग्रेस सहभागी भएको थियो । त्यसपछि दोस्रोपटक मन्त्रिपरिषद् पुनर्गठन गर्दा २०८२ पुस २२ गते कांग्रेसका मन्त्रीहरू नियुक्त भएका थिए ।
कांग्रेस सरकारबाट बाहिरिएपछि कोशी प्रदेशमा एमाले-नेकपाबीचको नयाँ राजनीतिक समीकरण बन्दैछ । कांग्रेस बाहिरिएसँगै चाँडै नयाँ मन्त्रीमण्डल गठनको गृहकार्य सुरु भएको छ ।
You may also like
-
रोड पिक हिमपहिरो तीन नेपाली आरोहीको शव काठमाडौँ ल्याइयो
-
ग्यास अभावबारे संसद्मा सत्तारुढ दलकै सांसदको प्रश्न, शून्य समयमा कसले के भने ?
-
ग्यास अभावबारे संसद्मा सत्तारुढ दलकै सांसदको प्रश्न, शून्य समयमा कसले के भने ?
-
सरकारलाई रास्वपा सांसदको प्रश्न- ‘खाली सिलिन्डर बोकेर कहिलेसम्म लाइनमा बस्नुपर्ने हो ?’
-
राजदूतसँग प्रधानमन्त्रीको पहिलोपटक एक्लाएक्लै भेट, भारतीय राजदूतसँग के कुरा भयो ?