एजेन्सी: सबैलाई दसैँ र तिहारको चटारो लागिरहेका बेला बुढिनन्दा नगरपालिकाका मेयर जनक कुमार बोहरालाई भने मार्तडीदेखि कोल्टीसम्मको सडक सुधार कसरी गर्ने भन्ने विषयले पिरोली रहेको थियो ।
करिब ४२ किलोमिटरको सडक स्थानीयका लागि सास्ती मार्ग हो । सामान्य झरीमा पनि अवरुद्ध हुने यो सडक यहाँको लाइफ लाइन हो ।
जिल्लाको पूर्वी उत्तरी भेग कोल्टी क्षेत्रका चार वटा स्थानीय तहसँगै छिमेकी जिल्ला हुम्ला, मुगु र कालिकोटका स्थानीयहरूले पनि यहीँ बाटो भएर यात्रा गर्ने गरेका छन् ।
असार मसान्तपछि अवरुद्ध भएको सडक पुन सुचारु भएको छ। दसैँ पहिलेसम्म अति आवश्यक सवारी साधन समेत सुचारु गर्न सकिने अवस्था थिए । आफै खटिएर दसैँ पहिले जिप सुरु गर्ने बाटो निर्माणमा लागेका मेयर बोहराले मङ्गलवारबाट यात्रु बाहक बस सुचारु गर्ने बाटो तयार गरेका हुन् ।
‘बाहुली खोला, दानसानु, रजातली र जिल्लीमा पहिरोले सडक नराम्ररी बिगारेको थियो । नगरपालिकाको डोजर लिएर म आफैँ कयौँ पटक त्यहाँ लागेको छु’ मेयर बोहराले भने ‘दसैँ पहिले जिप सुचारु भयो तिहार पहिले हामीले बस सुरु ग¥यौँ । ’
सडक पूर्ण रूपमा बिग्रँदा पाँच खण्डका यात्रुहरूले सवारी चढ्ने गर्दथे । यसरी ४२ किलोमिटरको यात्राका लागि करिब २ हजार बढी भाडा तिर्नुपर्ने बाध्यता थियो । दसैँ पहिले जिपमार्फत १ हजारमा यात्रा गरिरहेका यहाँका स्थानीयले अब पाँच सयमै मार्तडी कोल्टी यात्रा गर्न पाउने छन् ।
You may also like
-
ड्रग्स नियन्त्रण: विभिन्न जिल्लाबाट १५ जना पक्राउ
-
नेपालले आधारभूत स्वास्थ्य सेवासहित सर्वसुलभ स्वास्थ्य कवरेजतर्फ प्रगतिस गरिरहेको छ
-
जेन जेड प्रदर्शनको अराजकता पछाडि, १८० भागेकाहरू अझै ट्रेस हुन सकेका छैनन्
-
रुपन्देही-२ र बागलुङ-२ मा, आरएसपीका खरेल र शर्मा विजयी
-
मतगणना भइरहेको छ, र आरएसपीसँग ४० जितहरू छन्