एथलेटिक्स परिवार नेपालको संयोजनमा गत महिनामा भारतको राँचीमा भएको साफ एथलेटिक्स च्याम्पियनसिपमा नेपालका लागि पदकसहित राष्ट्रिय कीर्तिमान कायम गर्ने र खेलाडीलाई युवा तथा खेलकुदमन्त्री बब्लु गुप्ताले प्रोत्साहन स्वरूप खेल सामग्री प्रदान गरे।
उक्त खेल सामग्री बेलायतमा रहेको नेपाल रन यूकेबाट प्राप्त भएको हो। त्रिपुरेश्वरस्थित दशरथ रंगशालामा आयोजित कार्यक्रममा गुप्ताले पाँच हजार मिटर र १० हजार मिटर दौडमा दुई कास्य र नयाँ राष्ट्रिय कीर्तिमान कायम गर्ने धादिङकी सन्तोषी श्रेष्ठ, लङजम्पमा नयाँ राष्ट्रिय कीर्तिमान कायम गर्ने आर्मीका सलिम देवान, प्रहरीकी सीमाकुमारी चौधरीसहित आर्मीका पूर्णलक्ष्मी न्यौपाने र निशा कार्की, गण्डकी प्रदेशकी नारायणी भण्डारी र बागमती प्रदेशकी मिङमार सिंह तामाङलाई खेल सामग्री प्रदान गरिएको एथलेटिक्स परिवार नेपालका अध्यक्ष राजन खत्रीले जानकारी दिए।
You may also like
-
परराष्ट्र मन्त्रालयमा वातावरण कूटनीति शाखा स्थापना गरियो
-
भोटेकोशी बाढीमा जलजिद्युत आयोजनाका ८३७ जना अझै बेपत्ता
-
जनकपुरको रामजानकी मन्दिर संरक्षित स्मारक क्षेत्र घोषित
-
संविधान दिवसको अवसरमा मधेश भवन सरसफाइ
-
१४ औँ महाधिवेशनबाट निर्वाचित केन्द्रीय कार्यसमितिले नै १५ औँ महाधिवेशन गराउँछ : कांग्रेस नेता सिंह