काठमाण्डु प्रधान सेनापति अशोक राज सिग्देल बेलायती सेनाका चिफ अफ द जनरल स्टाफ जनरल सर रोली वाकरको निमन्त्रणामा औपचारिक भ्रमणका लागि बेलायत प्रस्थान गरेका छन्।
प्रधान सेनापति सिग्देल सोमबार बेलायततर्फ प्रस्थान गरेका हुन्। उनको भ्रमण २५ गतेसम्म हुने नेपाली सेनाले जनाएको छ।
प्रस्थानअघि त्रिभुवन अन्तर्राष्ट्रिय विमानस्थलमा प्रधान सेनापति सिग्देललाई बलाधिकृत रथी प्रदीप जंग केसीले बिदाइ गरेका थिए।
उक्त भ्रमणले लामो समयदेखि रहँदै आएको नेपाल र बेलायतबीचको आपसी सैनिक सम्बन्धमा टेवा पुग्नुका साथै सैनिक कूटनीतिमार्फत नेपालको परराष्ट्र नीतिमा समेत योगदान पुग्ने विश्वास नेपाली सेनाले लिएको छ।
प्रधान सेनापति सिग्देलको अनुपस्थितिमा बलाधिकृत रथी प्रदीप जंग केसीले कायममुकायम प्रधान सेनापतिको कार्यभार सम्हाल्नेछन्।
You may also like
-
संविधानलाई सुदृढ गर्न सबै दल मिल्नुपर्छ : प्रचण्ड
-
भारतीय राष्ट्रिय कांग्रेस र नेपाली कांग्रेसबिच लोकतान्त्रिक सहकार्यको इतिहास छ M अध्यक्ष खर्गे
-
नेपाली कांग्रेसमा पदाधिकारीको संख्या बढाइँदै
-
जापानीज इन्सेफलाइटिसबाट हालसम्म २८ जनाको मृत्यु, १३१ जनामा सङ्क्रमण
-
ऊर्जा मन्त्री श्रेष्ठले गरे कुलेखानी जलविद्युत् ड्यामको निरीक्षण