पश्चिमी न्यून चापीय प्रणालीको प्रभावका कारण बाँकी समय मौसम सफा रहनेछ, तर देशका पहाडी भूभागमा आंशिकदेखि सामान्य बदली रहने मौसम पूर्वानुमान महाशाखाले जनाएको छ। महाशाखाका अनुसार कोशी, बागमती, कर्णाली र सुदूरपश्चिम प्रदेशका उच्च पहाडी तथा हिमाली क्षेत्रका एक वा दुई स्थानमा हल्का वर्षा हुने अनुमान गरिएको छ। आज राति कोशी, बागमती र गण्डकी प्रदेशका पहाडी भूभागमा आंशिकदेखि अधिकांश बदली रहने र देशका बाँकी पहाडी भूभागमा आंशिक बदली रहने पूर्वानुमानमा उल्लेख छ। आज राति कोशी, बागमती र गण्डकी प्रदेशका उच्च, पहाडी तथा हिमाली क्षेत्रमा केही हिमपात हुन सक्छ।
भोलिपल्ट कोशी, गण्डकी, कर्णाली र सुदूरपश्चिम प्रदेशका एक वा दुई स्थानमा हल्का वर्षाको सम्भावना छ। मौसमको स्वास्थ्य, सडक र नागरिक उड्डयनमा आंशिक प्रभाव पर्ने भएकाले, महाशाखाले सम्बन्धित सबैलाई सतर्कता अपनाउन सल्लाह दिएको छ। कोशी, बागमती र गण्डकी प्रदेशका उच्च पहाडी तथा हिमाली क्षेत्रका साथै अन्य प्रदेशका एक वा दुई स्थानमा हल्का हिमपात हुन सक्ने पनि उल्लेख गरिएको छ।
You may also like
-
लगातारको सुक्खा पहिरोले तातोपानी भन्सार असुरक्षित
-
यो आम रूपमा मुख थुन्ने प्रयास जस्तै देखिन्छ’ नेपालको स्वतन्त्र प्रेसमाथि बालेन्द्र शाहको प्रहार
-
अरूसँग होइन, हिजोको आफूसँग प्रतिस्पर्धा गरेँ : मिस नेपाल दीपमाला ढकाल
-
भुटेको मकै : अब सहरियाको ‘हेल्दी स्न्याक्स’
-
ज्येष्ठ नागरिकका पीडा : आराम-सम्मानको उमेरमा अपमान र दुर्व्यवहार