पूर्व राजा ज्ञानेन्द्र शाहले प्रजातन्त्र स्थापना गर्ने क्रममा भएको बलिदान र संघर्षमा सहभागिता जनाउने वीरहरुलाई श्रद्धाञ्जली अर्पण गर्दै प्रजातन्त्र दिवसको अवसरमा भिडियो सन्देशद्वारा आफ्नो विचार व्यक्त गरेका छन्। उनले नेपालको मुख्य चुनौति गरीबी र अस्थिरता रहेको बताएका छन्। पूर्व राजा शाहका अनुसार, “गत आन्दोलन र संघर्षहरूले देश र जनतालाई वास्तवमा के उपलब्ध गराएको छ भन्ने बारेमा अब विचार गर्ने समय आएको छ।” उनले अधिकारको माग हुने तर कर्तव्यको विचार नगरी बढ्दै गएको प्रवृत्तिलाई चिन्ताजनक मान्दै सबैलाई गम्भीर रूपमा सोच्न अनुरोध गरेका छन्। साथै, उनले एक नेपालीले अर्को नेपालीलाई शत्रु सम्झनु पर्ने संस्कृतिलाई समाप्त गर्नुपर्ने आवश्यकतामा जोड दिएका छन्।
