२० औं एसियन गेम्सका पदक विजेता खेलाडीहरुले सरकारबाट पाउने पुरस्कार रकम प्राप्त गरेका छन्।
जापानको आइची नागोयामा भएको २० औं एसियन गेम्समा कास्य पदक विजेता करातेका तेन्जिङ शेर्पा र महिला कबड्डी टोलीले आज सरकारबाट पाउने पुरस्कार रकम खातामा प्राप्त गरेका हुन्।
कराते खेलाडी तेन्जिङ शेर्पाले कास्य पदक जितेवापत ३ लाख ९० हजार, प्रशिक्षक कुशल श्रेष्ठले १ लाख ३० हजार र व्यवस्थापक युवराज लामाले ६५ हजार पाएका हुन्।
त्यस्तै, महिला कबड्डी टिमका खेलाडीहरुले १ लाख ९५ हजार प्रशिक्षक पार्वती राईले १ लाख ३० हजा, सहायक प्रशिक्षक लोक बहादुर विष्टले ६५ हजार र व्यवस्थापक शरद दर्शनधारीले ६५ हजार प्राप्त गरेका हुन्। यी खेलाडीलाई पुरस्कार दिने निर्णय मन्त्री परिषद्ले गरेपछि राष्ट्रिय खेलकुद परिषद (राखेप)ले असोज २१ गते निर्णय गरेको थियो।
